طَيتْ التعليم أولَـوِيَّه @ و ادعمْتُو مِيَّه فالميَّه
يرئيسْ الجمهُــــورِيَّه @ يغيــر ءانَ ذانَ حالِي
يكفِي عنْ سؤَالِي بي @ وزير التعليمْ العَـــالِي
ــــــــــــ
طموحِي ما داركًْ هُونُو @ نختير انحقَّقْ مَضمونُو
و انشَيَّر دونُو و انصونُو @ محدنُّو كًَابلهــــــــــالِي
غير الا واكًفلِي دونُـــــو @ وزير التعليم العـــــالِي
ــــــــــــ
رغْتْ انرَ منحَه تكفينِي @ دون اتمرميدِي و اعجِينِي
قانونْ الدوله يحميــنِي @ و التعليمْ العالي غَــــــالِي
غير أبــــالِي لا يشقيني @ وزير التعليم العـــــــــالِي
ــــــــــــ
تسجيلِي ما نكًصفْ عنُّو @ مضمون القــــانونْ اِسنُّو
ما خالكًْ تعليــــمْ ابْسنُّو @ مـــــنْ تسجيلِي لا بدالِي
غير الا حارمني منُّــــــو @ وزير التعليم العَــــــــالِي
ــــــــــــ
فخلَاكًي كــــنتْ الَّا نكًْلع @ نوبَ ولل كًاع انسَبَّــــــــع
لخريف ، الحيونْ امْــرَتَّع @ و التلياع امـــــــــعدلهالِي
غير الا خايف شي يفكًع @ وزير التعليم العــــــــــالي
ــــــــــــ
*خالكًْ حد اخْلَاكًِي تهْواه @ مانلَّل كًَــــــــــــاع ال تَتــــراه*
*و لانِي رايــغْ عني نلكًاه @ خــــــــايف لَعـــــــــــلَّ يَابَالِي*
*عن ملكًاه ايلا رغت انراه @ وزير التعليــــــــــــمْ العــالِي*
*التاه ولد ابته*